Gəncədə avtomobil qəzası can aldı

Bölmə: Hadisə › ,
Tarix: 22:21 21.08.2023

Gəncədə ağır yol qəzası baş verib. Hadisə şəhərin Totanlı küçəsində qeydə alınıb. Hərəkətdə olan “VAZ 2107” markalı avtomobil idarəetmədən çıxaraq aşır və nəticədə avtomobildə olan sərnişin, 21 yaşlı Gəncə şəhər sakini Teymur Bayramov aldığı xəsarətlərdən xəstəxanaya aparılıb. Həkimlərin səyinə baxmayaraq onun həyatını xilas etmək mümkün olmayıb.

 

 

Şahid Şahmar Mehdiyev hadisəni belə xatırlayır: "Çölə çıxdım ki, ağır qəza baş verib. Gördüm ki,maşın çönüb. İçərisində də bir nəfər ağır yaralı var idi. Bir də səhər eşitdik ki, xəstəxanada rəhmətə gedib. Vallah bu yollar düzələndən lap sürətli gəlirlər. Baxan olsa lap əla olar".

 

Şəhər sakini Pərviz Məmmədov deyir ki, qəza baş verən bu yol yaşayış məntəqəsidir: "Çox sürətli maşın sürürlər. Gecələr demək olar ki, maşın səsindən yatmaq olmur. Radarmı, trampilinlərmi qoysunlar ki, belə hadisələr də tez-tez baş verməsin".