Xocəsəndə yanğın baş verdi: 300 kvadratmetr ərazi yandı

Bölmə: Hadisə › ,
Tarix: 22:46 22.08.2023

Binəqədi rayonu, Xocəsən qəsəbəsi ərazisində yanğın baş verib. Hadisə nəticəsində ilkin məlumata əsasən, təxminən min kvadratmetr sahədə yerləşən taxta, karton və plastik yeşiklərin satış məntəqəsinin 300 kvadratmetr i yanıb. Əraziyə FHN-nin Dövlət Yanğından Mühafizə Xidmətinin qüvvələri cəlb olunub. Yanğın geniş ərazilərə yayılmadan qısa müddətdə söndürülüb. Satış məntəqəsinin qalan hissəsi, yaxınlıqda yerləşən fərdi yaşayış evləri və təkər satışı məntəqəsi yanğından mühafizə olunub.

 

Binəqədi Yanğından Mühafizə hissəsinin rəisi Dəradə Heydərov hadisə haqqında məlumat verib: “17:41 radələrində hissənin rabitə məntəqəsində yanğınla bağlı məlumat daxil olub. Ümumi sahəsi min kvadrat olan ərazidə 300 kvadrat olan taxtaqutuları yanıb. Həmin ərazidə mühafizəçi otağı 9 kvadrat ərazidi o da yanmışdır. Obyektin kənarında olan 2 ədəd fərdi yaşayış evləri və yanında yerləşən taxta yeşiklər mühafizə olunub. Və digər qonşu obyektlər təkər satış bazası yanğından mühafizə olunub. Yanğının söndürülməsi 18:00-da yekunlaşıb”.