GİLƏZİ QƏSƏBƏSİ SUYUN İÇİNDƏ

Bölmə: Hadisə › ,
Tarix: 16:24 31.08.2023

   Yağış Xızının Giləzi qəsəbəsində evləri su altında qoyub. Fərdi yaşayış evlərinin həyətyanı sahələrinə, təsərrüfatına ciddi zərər dəyib. Xızının, Giləzi kəndi, Ravil Novruzov küçəsində, demək olar ki, salamat qalan ev yoxdur. Sakinlər deyir ki, təxmini 5 saat davam edən güclü yağış evləri sıradan çıxarıb.

  Yaranmış fəsadları aradan qaldırmaq üçün əraziyə Dövlət Yanğından Mühafizə Xidmətinin qüvvələri cəlb olunub. Gələn selin tərkibi çox lilli olduğu üçün bəzi ərazilərdə texnikanın işində maneələr yaranıb. XIZI RİHB-nın Giləzi qəsəbə İnzibati Ərazi Dairəsi üzrə müavini Çinarə Zəkiyeva kəndə texnikaların cəlb olunduğunu və bərpa işləri aparıldığını bildirib. “Traktorlar cəlb olunub, həyətlərdən suyun çəkilməsinə köməklik olunur”.

   Vəziyyət belə davam edərsə, sakinlər hələ bir neçə gün də əziyyət çəkməli olacaqlar.

AİDA