Marco Rubio bildirib ki, Vaşinqton İranla münaqişənin diplomatik yolla həlli üçün intensiv səylər göstərir.

Onun sözlərinə görə, ABŞ Prezidentinin xüsusi elçisi Steve Witkoff və Jared Kushner İranı danışıqlar masasına qaytarmaq, həm Tehran, həm də beynəlxalq ictimaiyyət üçün məqbul razılaşma əldə etmək istiqamətində fəaliyyət göstərirlər.

Rubio vurğulayıb ki, İran üçün alternativ ssenari artan beynəlxalq təcrid, iqtisadi geriləmə və nəticədə ciddi itkilərlə müşayiət oluna bilər. O, İran rəhbərliyinin diplomatik yolu seçəcəyinə ümid etdiyini bildirib.

 TASS

Mələk Hüseynova