Bakı metropolitenin ən böyük stansiyası bu il istifadəyə veriləcək

Bakı metropolitenində  bənövşəyi xətt üzrə  inşa olunan  “Avtovağzal –Memar Əcəmi 2” stansiyasiyaları  bu ilin 1-ci yarısında istifadəyə veriləcək. 

İnformator xəbər verir ki, bunu  İnterAz-a açıqlamasında  Bakı Metropoliteninin mətbuat xidmətinin rəhbəri Nəsimi Paşayev bildirib. Nəsimi Paşayev qeyd edib ki, həmin stansiyalarda bütün işlər demək olar ki yekunlaşıb.

7 giriş və çıxışdan ibarət \"Avtovağzal\" stansiyası Bakı metropolitenin ən böyük stansiyası olacaq. Dövlət Proqramı əsasında, hazırda 23 stansiyası və 1 elektrik deposu olan Bakı Metropoliteninin bənövşəyi xəttinin inşası davam etdirilir. Tikintinin birinci beşillik planına görə, bu xəttin 5 stansiyası inşa olunacaq. 12 stansiyadan ibarət olacaq bu xətt Beynəlxalq Avtovağzal Kompleksindən başlamaqla Qaraçuxur qəsəbəsinə qədər uzanacaq.