Braziliya nümayəndəsi WUF13-də gecəqonduların aradan qaldırılması təcrübəsini bölüşüb

Qeyri-rəsmi yaşayış məntəqələri yalnız problemli zona kimi deyil, həm də şəhərlərin sosial, iqtisadi və ekoloji inkişafı üçün potensial nöqtə kimi nəzərdən keçirilə bilər.

"İnformator.az" xəbər verir ki, bunu Braziliyanın Şəhərlər Nazirliyinin Risklərin Qarşısının Alınması və Azaldılması Departamentinin baş koordinatoru Samia Nasimento Süleyman Bakıda WUF13 çərçivəsində keçirilən müzakirələrdə çıxışı zamanı bəyan edib.

Onun sözlərinə görə, Braziliyada əyalət sakinlərinin ehtiyacları nəzərə alınmaqla yerli və milli hakimiyyət orqanlarının iştirakı ilə hərtərəfli urbanizasiyasına yönəlmiş Periferia Viva proqramı həyata keçirilir.

"Biz icmalarla hansı infrastruktur həllərinin lazım olduğunu və onların konkret rayonlarda həyata keçirilməsi yollarını müzakirə edirik", - o deyib.

Samia Nasimento Süleyman vurğulayıb ki, belə ərazilərin səmərəli inkişafı yalnız müxtəlif hakimiyyət orqanlarının koordinasiyası və şəhər, ekoloji, mədəni və sosial proqramların vahid siyasətdə birləşdirilməsi yolu ilə mümkündür.