Britaniyalı mühafizəçi seçiciləri türk sözlərilə qarşıladı

İngiltərədə Türkiyə ikinci tur prezident seçkilərində səs verən vətəndaşları türkcə qarşılayan afrika əsilli ingilis mühafizəçi gündəm olub.

İnformator.az qərb mediasına istinadən xəbər verir ki, İngiltərənin paytaxtı Londonda mayın 28-də Türkiyədə keçiriləcək prezident seçkilərinin ikinci turuna səs vermək üçün gələn vətəndaşları seçki mərkəzinin girişində afrika əsilli türkdilli ingilis mühafizəçilər qarşılayıb.

Səs vermək üçün bölgəyə gələn seçiciləri istiqamətləndirən və təhlükəsizliyi təmin edən Nigeriya əsilli İngilis əməkdaşlarının əksəriyyətinin vətəndaşları türk dilində "Xoş gəldin, salam, giriş burada, çanta yoxlaması” deyərək qarşılaması, seçiciləri həm təəccübləndirib, həm də sevindirib.