Çinin ən böyük istehsal mərkəzlərindən birinin arxa küçələrində, müvəqqəti fabrik işlərini elan edən dükanların qarşısında, bir ağacın altında siqaret çəkən işçilərdən ibarət kədərli izdiham toplaşıb.

Ucuz və kütləvi istehsaldan avtomatlaşdırmaya əsaslanan yüksək texnologiyaya keçid fonunda Çin sənayesində böyük dəyişikliklər baş verir. Bu dəyişikliklərə uyğunlaşmağa çalışan işçilər isə ailələrinə pul göndərə biləcək qədər qazanc əldə etməkdə çətinlik çəkdikləri üçün ümidsiz görünürlər.

Hazırda isə Yaxın Şərqdəki münaqişə Çin iqtisadiyyatına yeni zərbə vurur. Müharibə fabrik sifarişləri, xərclər və məşğulluq üzərində əlavə təzyiq yaradır.

Cənubdakı sənaye bölgələrindən biri olan Foshan şəhərində işçilər üçün ən əlçatan imkanlar parlaq qırmızı hərflərlə yazılmış elanlarda əks olunur. Bu elanlarda bir neçə həftəlik plastik qəlibləmə və ya mobil telefon hissələrinin yığılması kimi müvəqqəti işlər təklif edilir. Saatlıq əməkhaqqı 18–20 yuan (təxminən bir neçə dollar) civarındadır.

İşçilərin əksəriyyəti 40 yaşdan yuxarıdır və yaranan yeni qeyri-müəyyənlik dalğası səbəbindən məyusluq yaşayırlar.

Ekspertlər qeyd edir ki, məhz bu kimi iqtisadi təzyiqlər Pekinin İranla bağlı münaqişənin dayandırılması çağırışlarının əsas səbəblərindən biri hesab olunur.

BBC News

Nuray Əliyeva