Çinli süni intellekt şirkəti DeepSeek yeni modelini təqdim edib

Çinli texnologiya startapı DeepSeek, OpenAI və Google kimi nəhənglərə rəqib ola biləcək yeni süni intellekt modeli V4-ü təqdim edib. Öz-özünə kod yaza bilən və daha mürəkkəb əməliyyatları həll edə bilən bu model, Amerika çiplərinə ehtiyac duymadan işləməsi ilə diqqət çəkir.

Bu barədə "İnformator.az" "TRT Haber"ə istinadən xəbər verir. 
 

Hangzhou mərkəzli DeepSeek süni intellekt dünyasında böyük maraq doğuran V4 modelini bazara çıxarıb. Yeni model istifadəçi əvəzinə avtonom qərarlar qəbul etmək və mürəkkəb kodları sürətlə yazmaq kimi imkanlarla təchiz olunub. Əvvəlki modellə müqayisədə daha çox məlumatı emal edə bilən V4, süni intellektin verilən tapşırıqları anlama qabiliyyətini əhəmiyyətli dərəcədə artırır.