Dünən işdən çıxarılan rəisə yeni vəzifə verilib

Biləsuvar Gömrük İdarəsinin rəisi vəzifəsindən azad edilən gömrük xidməti polkovniki Sənan Şahbəndəyev yeni vəzifəyə təyin olunub.

"İnformator.az" "Bakupost.az"a istinadən xəbər verir ki, dünən tutduğu vəzifədən azad edilən S.Şahbəndəyev Sumqayıt Gömrük İdarəsinə rəis müavini təyin edilib.

Qeyd edək ki, bir müddət əvvəl Dövlət Gömrük Komitəsinin Biləsuvar Gömrük İdarəsində keçirdiyi əməliyyat tədbirləri zamanı külli miqdarda qaçaqmal faktları aşkar edilib. Məhz bundan sonra idarə rəisinin vəzifədən azad edilməsi ilə bağlı qərar verilib.