Elmar Məmmədyarov Qazaxıstanın Azərbaycana yeni təyin olunmuş səfirini qəbul edib

Xarici işlər naziri Elmar Məmmədyarov Qazaxıstan Respublikasının Azərbaycan Respublikasına yeni təyin olunmuş səfiri Beybit İsabayevi qəbul edib.

XİN-in mətbuat xidmətindən İnformator-a verilən məlumata görə, görüşdə səfir Beybit İsabayev etimadnaməsinin surətini nazir Elmar Məmmədyarova təqdim edib.

Səfir Beybit İsabayev diplomatik fəaliyyəti müddətində ikitərəfli əlaqələrin inkişafı üçün səylərini əsirgəməyəcəyini bildirib.

Nazir Elmar Məmmədyarov səfir Beybit İsabayevə diplomatik fəaliyyətində uğurlar arzu edib.