Elon Maskın şirkəti Falcon - 9 raketini kosmosa göndərdi

Kosmik nəqliyyat şirkəti SpaceX-ə məxsus 56 Starlink internet peykini orbitə ötürən Falcon-9 raketi ABŞ-ın Florida ştatından uğurlu şəkildə buraxılıb.

İnformator.az CNN-ə istinadən xəbər verir ki, iş adamı Elon Maska məxsus kosmik nəqliyyat şirkəti SpaceX vasitəsi ilə orbitə daha 56 Starlink peyki göndərilib. İnternet peyklərini daşıyan Falcon-9 raketi yerli vaxtla saat 03:31-də ABŞ-ın Florida ştatındakı Cape Canaveral Kosmik Qüvvələri Stansiyasından göndərilib.

Digər tərəfdən, sözügedən şirkət Starlink peyklərindən 46-nı ötən həftə orbitə göndərib. Starlink peykləri dünyanın müxtəlif yerlərində internetə qoşulmaqda çətinlik çəkən bölgələrə genişmiqyaslı internet xidməti təmin etməyə xidmət edir.

Fatima