Ermənistan əhalisinin sayı 12 min nəfər azalıb

2016-cı il yanvarın 1-nə olan vəziyyətə görə Ermənistan əhalisinin sayı 2 998,6 min nəfər təşkil edib.

İnformator.az Ermənistan mətbuatına istinadən xəbər verir ki, bu barədə ölkənin Milli Statistika Xidməti məlumat yayıb.

2015-cı il yanvarın 1-i ilə müqayisədə ölkə əhalisinin sayı 12 min nəfər azalıb.

2015-ci ildə doğulan uşaqların sayı isə 2014-cü illə müqayisədə 2,8 faiz azalaraq 41 815 uşaq təşkil edib. Bununla yanaşı, hesabat dövründə ölüm hallarının sayı 0,4 faiz artaraq 27 835 təşkil edib.