Böyük Britaniya kralı Charles III-ın ABŞ-a rəsmi səfəri iki ölkə arasında münasibətlərin gərgin olduğu bir dövrə təsadüf edib.

O, Konqresdə çıxışı zamanı ABŞ–Böyük Britaniya əməkdaşlığının əhəmiyyətini vurğulayaraq demokratik dəyərlərə sadiqliyin və güc balansının qorunmasının vacibliyini qeyd edib. Kral dəyişən dünyada bu ittifaqın yalnız keçmiş uğurlara arxalanmamalı olduğunu bildirib.

Çıxışında o, müdafiə sahəsində əməkdaşlığın gücləndirilməsinə, NATO-nun roluna və Ukraynaya dəstəyin davam etdirilməsinə çağırıb.

Səfər çərçivəsində ABŞ Prezidenti Donald Trump ilə keçirilən görüşlər və təşkil olunan dövlət yeməyi, tərəflər arasında müəyyən fikir ayrılıqlarına baxmayaraq, strateji tərəfdaşlığın qorunması niyyətini nümayiş etdirib.

BBC News

Mələk Hüseynova