İran Prezidenti: Dialoq təslim olmaq demək deyil
İran Prezidenti Məsud Pezeşkian bildirib ki, dialoq təslimiyyət demək deyil və Tehran xalqın, eləcə də ölkənin qanuni hüquqlarını qoruyaraq danışıqlarda iştirak edir. O vurğulayıb ki, İran xalqının və ölkənin qanuni hüquqlarından heç bir halda geri çəkilməyəcəklər.
Mövzu ilə bağlı “İnformator.az” a açıqlamasında deputat Hikmət Babaoğlu bildirib ki, Masoud Pezeshkianın dialoqa verdiyi önəm və dialoqu təslimçilik kimi deyil, məhz dialoq kimi qiymətləndirməsi özlüyündə həm müsbət mövqedir, həm də bu mövqedə opponentlərə verilən ciddi bir cavab var:
“Görünür, İranın daxili siyasi aktorlarının bir qismi dialoqdan imtina çağırışları edir və dialoqun baş tutmaması üçün əllərindən gələni etməyə çalışırlar. Bu isə açıq şəkildə müşahidə olunur. Məncə, Pezeşkianın bu açıqlaması həm daxili auditoriyaya, həm də dünyaya ünvanlanmış bir mesajdır. Çünki bütün müharibələr nəticə etibarilə dialoqla yekunlaşır və Məsud Pezeşkianın bu mövqeyi də strateji baxımdan uzunmüddətli perspektivə hesablanıb. Yəni nəticədə mütləq şəkildə bir dialoq mühiti formalaşmalıdır. Qərb ölkələri ilə İranın münasibətləri, xüsusilə də United States ilə münasibətlərlə müqayisədə, əvvəlcədən daha yumşaq olub. Bu baxımdan qərb ölkələri ilə münasibətlərdə yeni bir perspektivin yaranması mümkündür. Əgər Pezeşkianın mövqeyi reallaşarsa, bu, United States prezidentinin dünən səsləndirdiyi bəyanatdan sonra daha diqqətçəkən görünür. Həmin bəyanatda qeyd olunurdu ki, “üç müttəfiqimizlə başlayacağımız hər bir aksiyanı təxirə saldıq”.
Deputatın sözlərinə görə, Pezeşkianın mövqeyini bu kontekstdə qiymətləndirsək, onda yeni ABŞ prezidentinin nüvəsiz anlaşmaya doğru irəliləyişlərlə bağlı səsləndirdiyi iddiaların reallaşma ehtimalının kifayət qədər yüksək olduğu nəticəsinə gələ bilərik:
“Yəni hesab edirəm ki, Pezeşkianın bəyanatı bu istiqamətdə də dəyərləndirilməlidir. Amma hər nə qədər optimist yanaşsaq da, şübhəsiz ki, vəziyyət düşündüyümüzdən daha gərgindir. Böyük ehtimalla, ilk baxışda pozitiv görünən bu mövqelər müəyyən müddətdən sonra daha sərt ritorika və daha sərt diplomatik üslubla əvəz oluna bilər. Belə olacağı təqdirdə isə alternativ olaraq yenidən müharibənin başlaması ehtimalı ortaya çıxır. Ümid edək ki, bu baş verməyəcək”.
Selcan Xudiyeva
