İran Putinə Xameneinin məxfi mesajını çatdırıb: Moskva qaz kəməri layihəsini müzakirə edir

İranın Ali Milli Təhlükəsizlik Şurasının katibi Möhsün Rzayi Moskvaya səfər edərək Ayətullah Müctəba Xameneinin şəxsi mesajını Rusiya Prezidenti Vladimir Putinə çatdırıb. Səfər zamanı Rusiyadan İrana qaz nəqli üçün boru kəmərinin tikintisi məsələsi də müzakirə olunub.

İranın yüksək vəzifəli təhlükəsizlik rəsmisi cümə axşamı Moskvada Rusiya Prezidenti Vladimir Putinlə görüşüb. Görüş zamanı o, İranın ali rəhbəri Ayətullah Müctəba Xameneinin İran müharibəsi ilə bağlı şəxsi mesajını Putinə təqdim edib. Tərəflər, həmçinin ikitərəfli münasibətlərin möhkəmləndirilməsi məsələlərini müzakirə ediblər.

İranın təhlükəsizlik üzrə yüksək vəzifəli rəsmisi görüşü “son dərəcə mühüm fikir mübadiləsi” kimi xarakterizə edib. Onun sözlərinə görə, müzakirələr müharibədən sonrakı vəziyyəti və regional təhlükəsizliyi əhatə edib.

Əvvəlcədən elan edilməyən görüş Rusiya prezidentinin ötən həftə Qaz İxrac Edən Ölkələr Forumunun sammiti çərçivəsində iranlı həmkarı Məsud Pezeşkianla Moskvada keçirdiyi görüşdən sonra baş tutub.

İran dövlət televiziyası IRIB-in məlumatına görə, Xameneinin Putinə ünvanladığı mesajın məzmunu ictimaiyyətə açıqlanmayıb.

Möhsün Rzayinin bildirdiyinə görə, Putinlə görüşdə Rusiyadan İrana qaz boru kəmərlərinin çəkilməsi məsələsi müzakirə olunub.

O, layihənin Tehranın qaz çatışmazlığını aradan qaldırmasına, eyni zamanda Rusiya qazının qonşu ölkələrə satışına şərait yaratmağa xidmət edəcəyini bildirib.

Euronews

Zəei Bayramlı