İran Səudiyyə Ərəbistanının xarici işlər nazirinin Tehrana gələcəyini açıqlayıb

İran Xarici İşlər Nazirliyinin sözçüsü Nasser Kenani Səudiyyə Ərəbistanının xarici işlər naziri Feysəl bin Fərhanın "tezliklə" ölkəsinə səfər edəcəyini bildirib.

İnformator.az xarici mediaya istinadən xəbər verir ki, Xarici İşlər Nazirliyinin sözçüsü Kənani paytaxt Tehranda keçirdiyi mətbuat konfransında gündəmi dəyərləndirib. İran və Səudiyyə Ərəbistanının 7 ildən sonra yenidən diplomatik münasibətlər qurduğunu, İranın Ər-Riyaddakı səfirliyi və Ciddədəki konsulluğunun açıldığını xatırladan Kənani Səudiyyə Ərəbistanının Tehrandakı səfirliyinin qısa müddət ərzində açılacağını bildirib.

Kenani xarici işlər naziri Hüseyn Əmir Abdullahiyanın dəvəti ilə Səudiyyə Ərəbistanının xarici işlər naziri Bin Ferhanın “yaxın zamanda” İrana səfər edəcəyini və ölkəsinin Tehrandakı səfirliyinin açılışında iştirak edəcəyini bildirib.