İstanbulda partlayış: 10 ölü, 15 yaralı

İstanbulda Sultanahmed meydanında səhər saatlarında partlayış olub.

İnformator “Anadolu” agentliyinə istinadən xəbər verir ki, ilkin məlumata görə, 10 nəfər dünyasını dəyişib, 15 nəfər yaralanıb.

Partlayışdan sonra hadisə yerinə gələn polis təhlükəsizlik tədbiri görüb. Təcili yardım maşınları vasitəsi ilə yaralılar xəstəxanaya aparılıb. Məlumata görə, partlayış turistlərin keçidi zamanı mərkəzi məscidin yaxınlığında baş verib.

Baş nazirlik hadisə ilə əlaqədar informasiya yayılmasını qadağan edib.