Almaniya kansleri Fridrix Merts və ABŞ Prezidenti Donald Tramp arasında baş tutan telefon danışığı zamanı İran ətrafındakı münaqişədə müvəqqəti atəşkəs razılaşması müzakirə edilib.

"İnformator.az" "Teleqraf"a istinadən  xəbər verir ki, bu barədə "Der Spiegel" jurnalı hökumət dairələrindəki mənbələrinə istinadən məlumat yayıb.

Məlumata görə, tərəflər regional gərginliyin azaldılması istiqamətində atılan addımları yüksək qiymətləndirib və gələcək əməkdaşlıq perspektivləri barədə fikir mübadiləsi aparıblar.

Danışıqlar zamanı həmçinin təhlükəsizlik və iqtisadi tərəfdaşlıq məsələlərinə də toxunulub.