Məlumat mərkəzlərinin elektrik xərclərini artırmasının qarşısını almaq üçün plan hazırlanıb

Microsoft bildirib ki, məlumat mərkəzləri tikdiyi ərazilərdə elektrik enerjisi üçün daha yüksək ödəniş etməyi üzərinə götürəcək. Məqsəd həmin bölgələrdə yerli sakinlər üçün elektrik qiymətlərinin artmasının qarşısını almaqdır.

Bu addım ABŞ üzrə süni intellekt infrastrukturunun kütləvi şəkildə qurulmasının doğurduğu qiymət artımı və digər narahatlıqlara cavab verməyi hədəfləyən daha geniş planın bir hissəsidir.

Böyük texnologiya şirkətləri süni intellekt sistemlərini işlədən məlumat mərkəzlərinin inşası üçün yüz milyardlarla dollar xərcləyir. Bu mərkəzlər çox böyük həcmdə elektrik enerjisi istehlak edir. Bununla belə, Silikon Vadisi və ABŞ Konqresindəki liderlər bu layihəni iqtisadiyyat və milli təhlükəsizlik üçün zəruri kimi təqdim edirlər.

CNN News

Gövhər Mehyəddinova