"Oğru pişik" tapdıqlarını evə daşıyır

İngiltərədə pişik qonşularının paltarlarını və yeməklərini oğurlayaraq evlərinə gətirir.

İnformator.az Türkiyə mediasına istinadən xəbər verir ki, Harri adlı pişiyin sahibi Donna Hibbert əşyaların sahiblərini tapmaq üçün Facebook-dan istifadə edir.

Hibbert bildirib ki, son dörd ildə Harri ətrafdakı evlərdən kolbasa, ayaqqabı kimi müxtəlif əşyalar gətirib. O, pişiyinin təkcə son bir həftədə 6 əşya oğurladığını söyləyib.

Harrinin bunları hədiyyə kimi düşündüyünü deyən Hibbert bu hərəkətin səbəbini belə açıqlayıb: "Məncə, pişiklər sahiblərinə mükafat gətirməyi xoşlayırlar. Bu davranışın arxasında duran psixologiya budur".