Səfir: “Türkiyənin ATƏT-in Minsk qrupunun həmsədr ölkə olması istiqamətində rəsmi qərar yoxdu”

“Türkiyənin ATƏT-in Minsk qrupunun həmsədr ölkə olması haqqında danışıqları mən də eşitmişəm. Bu istiqamətdə hər hansı rəsmi qərar yoxdu.”

İnformator xəbər verir ki, Türkiyənin Azərbaycandakı səfiri İsmail Alper Coşqun bildirib ki, Türkiyə Minsk qrupunun üzvü kimi, həmsədrlərin fəaliyyətini də dəstəkləməklə bu fəaliyyəti Azərbaycanla əməkdaşlıq çərçivəsində davam etdirəcək: “Işin formasından vacib olan məsələ budur ki, biz onsuz da Minsk qrupunun üzvüyük. Bu günə qədər olduğu kimi Azərbaycanı ərazi bütövlüyü içərisində bu haqsız işğalın sona çatdırılması, Azərbaycana aid torpaqların ona geri qaytarılması, qaçqın və məcburi köçkünlərin öz torpaqlarına geri qayıtması, sülh yolu ilə məsələnin həlli üçün Azərbaycanı dəstəkləyirik.”