Şəhid Vaqif Mərdanovun xatirəsinə

Bu gün biz Vətən uğrunda canından keçən igid oğlumuz, şəhid Vaqif Mərdanovu ehtiramla yad edirik. O, Azərbaycan torpaqlarının azadlığı naminə döyüş meydanına könüllü yollanan, canını xalqı və bayrağı üçün fəda edən qəhrəmanlardan biri idi.

Vaqif Mərdanov həyatını səssiz, lakin böyük mənəvi güclə yaşayıb. O, sadə bir ailənin övladı olsa da, ürəyində böyük bir amal-Vətən sevgisi daşıyıb. Bu sevgi onu döyüş cəbhəsinə aparıb, bu sevgi ona qorxmazlıq, dönməzlik, mərdlik bəxş edib.

Döyüş yoldaşları onu həmişə sakit təbiətli, amma qətiyyətli bir insan kimi xatırlayırlar. O, hər zaman “Vətən üçün can verməyə dəyər” deyib və bu sözlərini əməli ilə təsdiqləyib. Vaqif Mərdanovun igidliyi sayəsində Azərbaycan torpaqları azadlıq nəfəsi aldı, xalqımızın alnı ucalıb.

Bu gün onun adı şəhidlər sırasındadır, amma ruhu hər birimizin qəlbində yaşayır. O, təkcə ailəsinin deyil, bütün Azərbaycanın oğlu, xalqımızın qürur mənbəyidir.

Vaqif Mərdanovun xatirəsi daim əziz tutulacaq-məktəblərdə, küçələrdə, insanların ürəklərində onun adı bir qəhrəmanlıq simvolu kimi yaşayacaq.

Ruhu qarşısında baş əyirik.

Şəhidlər ölməz, Vətən bölünməz!

Banuçiçək Məmmədova