SİZ ZİRVƏYƏ BAXIN - MƏN İSƏ AŞAĞI

Hardan başlayıb, harda bitirim bilmirəm... O qədər zamanr keçdi ki... Eh mənim balam danışacaq qədər vaxt olsa belə, anlayacaq zaman yoxdur. Gəl dizimin küncünə, məni dinlə. Gəl mənim balam...

- Nənəcan, eyvana çıxaq dağları seyr edərək söhbətləşək.

- Olar, balam.

- Başımı dizlərinin üstə qoyum, sığal çək mənə, dinləyim səni.

- Mənim balam, irəlidə nə görürsən?

- Nənəcan, səmalara doğru ucalan dağlar.

- Başqa?

- Yanaşı iki dağ.

-   Başqa heç nə görə bilmədin?

- Yox artıq heç nə yoxdur axı.

- Var, mənim balam, amma sən görmürsən.

- Necə yəni, nə var axı adi dağlardı da, nənə!

- İki dağa diqqətlə bax, balam.

- Sıldırım qayalar olan deyirsən

- Lap aşağıdakı kiçik hissəyə bax.

- Aha...

- Bu dağ parçalanıb, mənim balam.

- Olsun da, nənəcan.

- Amma bax bir aşağıya doğru, dağ nə qədər parçalasa da sabit bir parçadır.

- Elədir, nənəcan, amma o çox aşağıdadır, heç diqqətlə baxmasaq, bilinmir sanki iki dağ parçasıdır.

- Yuxarıdan yavaşca aşağıya doğru baxanda əvvəl iki dağ parçası, görürsən, amma aşağıdan yuxarıya baxan zaman bütöv bir dağın parçaladığını.

- Aha elədir, nənəcan.

- Mənim balam insanlarda nə qədər ( hətta az belə) zirvədə olur olsun, ya irəli, ya da yuxarı baxıb seyr etmək istəyərlər.

- Hərkəs yüksəkliyə can atar da, nənəcan.

- Balam yüksəkliyə can atar, amma o yüksəkliyi və yüksələcəyi yerin ən üstünə deyil, birinci aşağı, ən dərininə baxar.

- Necə yəni, mən heç nə başa düşmədim, insanlar yüksəkliyə deyil, də aşağı baxmalıdırlar.

- Bəli, mənim balam, o zaman yüksələn dağları ( zirvələri ) görərsən. Kimin nə olduğunu nə etdiyini.

- Qulağa qəribə gəlir, amma maraqlıdır.

- Zamanı gəldikdə isə özün zirvədə olarsan, aşağıdan baxaraq irəlilədiyin zaman bir də görərsən zirvə yoxdur.

- O necə olur axı, mən aşağı baxıram.

- Mənim balam baxdığın aşağılara pillə - pillə qalxarsan, birinci olan necə oldusa, sonrakı olanı da möhkəmlənərək üçə   doğru yol alarsan. Və daha sonra digərləri də bir - birinin ardınca gələn zaman artıq zirvələri fəth edərsən və yuxarı baxsan heç nə görməzsən, amma aşağı baxan zaman bütün zirvələri görərsən. Bütünlüklə yaşamı ...