Səudiyyə Ərəbistanı “vahimə”dədir – İran

İranın xarici işlər naziri Məhəmməd Cavad Zərif bildirib ki, Səudiyyə Ərəbistanı Tehran və Qərb arasında gərginliyin azalmasına görə “vahimə”yə düşüb.

İnformator xəbər verir ki, Zərif bunu “CNN” televiziyasına müsahibəsində deyib.

“Biz inanırıq ki, İran və Səudiyyə Ərəbistanı regionda bir-birini qəbul edən, bir-birini tamamlayan iki vacib oyunçudur. Təssüf ki, səudiyyəlilərin qərb tərəfindən dəstəklənən xəyalı var. Onlar düşünür ki, İranı regiondakı hadisələrdən kənarda saxlaya bilər”,- İran Xarici işlər naziri deyib.

İran və qərb arasında əldə edilmiş razılmaşının ötən həftədən başlayaraq həyata keçirilməsi ilə münasibətlərin yüksəlməsinə ümid edilir.