Türkiyənin Meksikaya göndərdiyi hədiyyəyə "Dost" adı verildi

Türkiyənin Meksikaya təşəkkür olaraq göndərdiyi köpək balası mərasimlə Meksika Milli Müdafiə Nazirliyinə təhvil verilib. Meksika səlahiyyətliləri ona "Dost" adını verib.

İnformator.az BBC-yə istinadən xəbər verir ki, mərasimdə Türkiyə səfirliyinin əməkdaşları da iştirak edib. Meksika Müdafiə Nazirliyi də Twitter hesabında yazı paylaşaraq "Dost"u ölkə ictimaiyyətinə təqdim edib.

Qeyd edək ki, "Dost" axtarış-xilasetmə iti kimi yetişdiriləcək.