Tanınmayan Kosovo parlamentində dava düşüb

Baş nazir Albin Kurtinin parlamentdə çıxış etdiyi tribunanın üzərinə müxalif deputatlardan biri onun pinokkio burunlu təsvirini yerləşdirib. Kurtinin müavini isə şəkli qopararaq cırıb.

İnformator.az xarici mediaya istinadən xəbər verir ki, bu zaman müxalif deputat baş nazirin üzərinə su çiləyib. Bundan sonra müxalifət və iqtidar partiya arasında dava başlayıb. Daha çox millət vəkili davaya qoşulduqca qadın-kişi demədən zərbələr havada uçuşub.

Qeyd edək ki, müxalif deputatlar hökumətin şimaldakı etnik Serblərlə gərginliyi azaltmaq üçün gördüyü tədbirlərdən narazıdır.