Türkiyə universitetlərinə qəbul kəskin şəkildə azaldılır

Türkiyə Ali Təhsil Şurasının (YÖK) rəhbəri Ərol Özvar müxtəlif ixtisaslar üzrə dövlət və özəl universitetlərə qəbulun azaldılacağını bildirib.

"İnformator.az" xəbər verir ki, o, xüsusilə, hüquqşünaslıq, stomatologiya, əczaçılıq və memarlıq kimi ixtisaslara qəbulda ixtisar aparılacağını vurğulayıb.

Onun sözlərinə görə, hüquqşünaslıq ixtisası üzrə özəl universitetlərə abituriyent qəbulu 45 faiz azaldılacaq:

“Biz ölkənin ən çox ehtiyac duyduğu sahələrdə mütəxəssislərin hazırlanmasına diqqət yetiririk, eyni zamanda çox sayda məzun yetişdirən fakültələrə qəbulu azaldırıq”.