Ukraynanın şərqində ordunun Rusiyaya qarşı “Vivaldi” əməliyyatı davam edir. Əməliyyat çərçivəsində Ukrayna qüvvələrinin son aylarda Donbas bölgəsində 277 kvadrat kilometr ərazini geri aldığı bildirilir.

Cəbhənin dərinliyində yerləşən yeraltı bunkerdə Ukrayna hərbçiləri döyüş meydanını canlı görüntülərlə izləyirlər. Görüntülərdə Ukrayna dronunun Rusiya ordusuna məxsus kəşfiyyat dronunu havada zərərsizləşdirdiyi görünür. Ukrayna dronu hədəfin üzərinə yaxınlaşaraq xüsusi tor atıb və onu havadan aşağı çəkib.Ukrayna tərəfi bildirir ki, dronlar cəbhədə Rusiya mövqelərinin aşkarlanması və hədəflərə  zərbə endirilməsində mühüm rol oynayır.

Kiyev ABŞ-nin “Starlink” peyk internet sisteminin hərbi versiyası olan “Starshield”lə bağlı tətbiq edilən yeni məhdudiyyətlərin Ukraynanın dron əməliyyatlarına təsir göstərə biləcəyindən narahat olduğunu bildirir.Ukrayna hesab edir ki, peyk rabitəsinə çıxışın məhdudlaşdırılması dronların idarə olunmasını və cəbhədə kəşfiyyat imkanlarını çətinləşdirə bilər.

BBC 

Sevgi İbrahimova