YouTube öz siyasətlərini yeniləyir: Təqlid kanalları bloklanacaq

“YouTube” daxili siyasətində dəyişiklik edərək təqlidçiliklə bağlı yeni qərara gəlib.

İnformator.az xəbər verir ki, Yutubun elanına görə, əgər kanal başqa kanalın orijinal məzmununu təqlid edirsə və “fan kanalı” ifadəsi yoxdursa, Yutubun imitasiya (təqlidçilik) siyasətinə əsasən kanal tamamilə bağlanacaq.

Heyran olmaq və tamamilə təqlid etmək arasında incə bir xətt olduğunu iddia edən Yutub təqlid edən kanalların qarşısını almaq üçün şirkət siyasətlərini yeniləməyə hazırlaşır. Yenilənmiş siyasətə görə, başqa bir kanalın ümumi görünüşünü kopyalayan bir kanal, profil şəkli və ya fon kimi kiçik detallar bağlana bilər. 

Yeni qaydalara əsasən Yutub bildirir ki, fan hesabı olduğunu iddia edən, lakin özünü başqasının kanalı kimi göstərən və məzmununu yenidən yükləyən heç bir kanala icazə verməyəcək.