Prezident Volodimir Zelenskiy bazar ertəsi Ukrayna qanunvericilərini ölkənin baş prokurorunun vəzifədən azad edilməsini tez bir zamanda dəstəkləməyə çağırıb. Bu, müharibə dövründə fəaliyyət göstərən administrasiyasında korrupsiyaya qarşı mübarizə aparan qurumlarla qarşıdurmaya cəlb olunan sonuncu yüksək vəzifəli məmurdur.

Korrupsiya qalmaqalları Zelenskiyin etimadına və ictimai dəstək reytinqinə mənfi təsir göstərib. Rusiya ilə dağıdıcı müharibə artıq beşinci ilinə qədəm qoyub və ölkə əhalisi mütəmadi bombardmanlara məruz qalır.

Ukrayna həmçinin beynəlxalq tərəfdaşlarına korrupsiyaya qarşı islahatları həyata keçirə biləcəyini göstərməkdə çətinlik çəkir. Bu islahatlar ölkənin ayaqda qalması üçün zəruri olan on milyardlarla dollar həcmində maliyyənin əldə edilməsinə imkan yaratmaq baxımından vacibdir.

Korrupsiyanın aradan qaldırılması Kiyevin Avropa İttifaqına üzvlük cəhdləri üçün də mühüm əhəmiyyət daşıyır.Baş prokuror Ruslan Kravçenko keçən həftə korrupsiya araşdırmasının onun rəhbərlik etdiyi quruma qədər gəlib çatmasından sonra vəzifəsindən istefa verib. O, hər hansı cinayətdə ittiham olunmayıb və heç bir araşdırmada şübhəli şəxs kimi göstərilməyib. Lakin hakimiyyət orqanları onun tabeliyində olan şəxslərdən birini dələduzluq şəbəkəsinə rəhbərlik etməkdə ittiham ediblər.

Kravçenko bildirib ki, o, xaricdə rəsmi işgüzar səfərdədir.

Ukraynanın müstəqil korrupsiyaya qarşı mübarizə qurumları ilə digər hüquq-mühafizə orqanları arasındakı münasibətlər son bir il ərzində davamlı gərginliklə müşayiət olunub.

Zelenskinin ofisinin rəhbəri Kirilo Budanov Ukrainska Pravda media orqanına verdiyi açıqlamada belə deyib:“Bunların heç biri normal deyil və bu vəziyyət Ukraynanın dünyadakı imicinə son dərəcə böyük zərər vurur.”

Səkinəbəyim Cəfərova
Reuters