Verstappen: "Red Bull əvvəlki kimi dominant olmayacağ"

Bölmə: İdman › ,
Tarix: 13:04 01.08.2024

Maks Verstappen bildirib ki, Red Bull-un son illərdə göstərdiyi üstün performansı təkrarlaması çox çətin olacaq.

 

İnformator.az xəbər verir ki, Milton Keyns mərkəzli komanda 2024-cü il mövsümünə komandalar və sürücülər çempionatında istədiyi kimi başlasa da, podiumdan və buna görə də son yarışlarda qalibiyyətlərdən uzaq qaldı.

 

Digər tərəfdən, holland pilot keçən mövsüm 20 qələbə və 13 poul mövqe əldə etməklə bir çox rekordlar qırdı və Red Bull mövsümü ikiqat çempionluqla başa vurdu.

 

Bu mövsüm istədiyi nəticəni əldə edə bilmədiyini bildirən Maks Verstappen bütün narazılıqlarına baxmayaraq mövsümün ilk yarısını 78 xal fərqlə lider kimi tamamlayıb.

 

3 qat dünya çempionu Maks Verstappen deyib: "Mən başa düşdüm ki, keçən ilki kimi bir mövsüm keçirə bilməyəcəyik. Belə mövsümlərin arxa-arxaya olması çox nadirdir. Mən həmişə buna hazır olmuşam. Ancaq digər komandalarla performans fərqinin bu qədər tez aradan qalxacağını düşünməzdim".

 

Məhəmməd Qasımov