Hamilton Ferrariyə məlumat aparacaq ?

Bölmə: İdman › ,
Tarix: 20:01 15.08.2024

Keçmiş F1 pilotu və F1 Dünya Çempionu Deymon Hill Lyuis Hamiltonun Mercedes-dən Ferrari-yə apara biləcəyi texniki məlumatlarla bağlı açıqlamalar verib.

Damon Hill israr edir ki, Lyuis Hamiltonun Mercedes-dən Ferrari-yə götürə biləcəyi biliklər məhdud olacaq. Hamilton bu ilin əvvəlində 2025-ci il mövsümü üçün Ferrari-yə qoşulmaq üçün müqavilə imzaladı və burada səkkizinci F1 çempionluğunu qazanmağa çalışacaq.

Hamilton yay fasiləsindən əvvəl üç yarışda iki qələbə qazanıb. Mercedes-in canlanması Hamiltonu yenidən gücləndirdi, lakin bu, komandadakı son aylarında onun üçün daha çətin ola bilər.

Keçmiş F1 çempionu Hill deyib:

“Hamilton gələn il nə olacağı ilə bağlı söhbətlərdən kənarlaşdırılmalıdır. Onlar istəmirlər ki, onun öz fikirlərini komandadan Ferrari-yə çatdırsın. Ona görə də ona daha az məlumat verilə bilər, amma Mercedes şərəfli komanda, Toto Volf isə şərəfli insandır. Onunla komanda daxilində ədalətli davranılacaq".

Mənbə: Motorsport
Məhəmməd Qasımov