Qəzaya düşən Nəsiman Yaqublu vəfat etdi

Bölmə: Hadisə › ,
Tarix: 19:54 25.08.2024

Tarixçi-professor Nəsiman Yaqublu Zəngilandan qayıdarkən qəzaya düşərək vəfat edib.

"İnformator.az" xəbər verir ki, bu barədə Müsavat partiyasının Məclis sədri Arif Hacılı məlumat yayıb.

O, bu gün saat 19 radələrində Cəbrayıl rayonu ərazisində "Nissan" markalı avtomobillə hərəkətdə olan zaman idarəetməni itirərək maşını yol kənarına aşırıb.

Müxtəlif dərəcəli bədən xəsarətləri alaraq xəstəxanaya çatdırılıb.

Tibbi müdaxilələrə baxmayaraq onun həyatını xilas etmək mümkün olmayıb. Faktla bağlı araşdırma aparılır.

Qeyd edək ki, Bakı Dövlət Universitetində müəllim işləyən professor Zəngilan-Qubadlı dairəsindən deputatlığa namizəddir.