Mikel Arteta ilə yeni müqavilə imzalanıb

Bölmə: İdman › ,
Tarix: 18:28 12.09.2024

İngiltərə Premyer Liqa komandalarından olan "Arsenal"ın baş məşqçisi Mikel Artetanın müqaviləsi yenilənib.

London klubundan verilən açıqlamada 42 yaşlı ispan çalışdırıcı ilə uzunmüddətli müqavilə imzalandığı bildirilib.

Arteta 2019-cu ilin dekabrında təhvil aldığı Arsenalda 2 İcma Qalxanı (2020, 2023) və 1 Federasiya Kuboku (2020) titulunu qazandı.

İspan məşqçi mövsümün sonunda başa çatacaq müqaviləsinin uzadılması ilə bağlı açıqlamasında "Çox qürur duyuram. Çox həyəcanlıyam. Gələcəkdə nə olacağını səbirsizliklə gözləyirəm. Bu klubda olduğum üçün çox şanslıyam, indiyə qədər etdiklərimizdən daha çox şeyə nail olmaq istəyirəm" deyib.

Qırmızı-ağlılar Mikel Artetanın rəhbərliyi altında keçirilən bütün yarışlarda 235 matçın 139-da qalib gələrək 59 faizlik qələbə qazanıb. Bu, klub tarixində ən azı 50 yarış keçirmiş məşqçilər arasında ən yüksək göstərici kimi diqqət çəkib.

Mənbə: TRT Haber
Məhəmməd Qasımov