Felipe Melodan derbi şərhi: Osimhen, Torreira, Barış Alper...

Bölmə: İdman › ,
Tarix: 20:16 20.09.2024

"Qalatasaray"ın sabiq futbolçusu Felipe Melo "Fənərbaxça" - "Qalatasaray" derbisi öncəsi diqqətçəkən açıqlamalar verib.

"Qalatasarayda çox vacib oyunçular var. Osimhen çox səs-küy salan önəmli oyunçudur, amma Barış Alper Yılmaz bu matçda favoritlərimdən biridir. Kadıköydə əsas oyunçunun Barış Alper Yılmaz olacağını düşünürəm".

"Əslində, Lukas Torreyra ilə müqayisə olunmağım düzgün deyil. Biz fərqli futbolçularıq. Felipe Melo "Qalatasaray"da bir mövsümdə 16 qol vurdu, müqayisə etmək düzgün deyil".

"Qalatasaray"ın Kadıköy çempionluğunu xatırlayaq; Səlcuq - Melo cütlüyü ümumilikdə 40-a yaxın qola töhfə verdi. Tarixin ən önəmli ikilisi olduğumuzu deyə bilərəm".

"Mən mütləq "Qalatasaray"a xidmət etmək istərdim. Menecer, idman direktoru, məşqçi olmaq istərdim. Hansı vəzifədə olursa olsun, mütləq "Qalatasaray"a xidmət etmək istərdim. Qalatasaray azarkeşlərinin ürəyimdə xüsusi yeri var və onlar üçün çox darıxıram. Rioda Qalatasaray üçün ürək döyüntüsü var. Hər matçı izləyirəm. Ümid edirəm ki, “Qalatasaray” azarkeşləri məni heç vaxt unutmayacaqlar, çünki mən onları heç vaxt unutmuram. Mənim ən böyük Cimbom!"

Mənbə: Hürriyet
Fatimə Abdulrəhimli