Mauro İkardi Fənərbaxça derbisindən sonra 'Ali Koç' formasını geyindi!

Bölmə: İdman › ,
Tarix: 18:04 23.09.2024

"Qalatasaray"ın "Fənərbaxça"nı 3:1 hesabı ilə məğlub etdiyi derbidən sonra Mauro İkardi maraqlı hərəkət edib.

"Qalatasaray" klubu "Youtube" kanalında "Fənərbağça"ya səfərdə qazandığı qələbənin hekayəsini dərc edib. Argentinalı futbolçu Mauro İkardinin Fənərbaxça derbisindən sonra "Fənərbağça"nın başçısı Ali Koça istinad etdiyi müşahidə edilib.

"Qalatasaray"ın soyunub-geyinmə otağındakı qeyd etmələrdən sonra argentinalı futbolçu arxa tərəfində "Ali Koç" yazılmış 9 nömrəli formanı geyinib.

"Qalatasaray" klubu Mauro İkardinin soyunub-geyinmə otağında olan bu şəklini YouTube kanalında yayımlayıb.

"Qalatasaray"ın bu paylaşımı qısa zamanda sarı-qırmızılı azarkeşlər arasında trend mövzusuna çevrilib.

Digər tərəfdən Viktor Osimhenin də soyunub-geyinmə otağında rəqs etdiyi müşahidə edilib. Bu arada sarı-qırmızılı komandanın soyunub-geyinmə otağında “Fənər Ağlama” mahnısı səslənib.

Mənbə: Milliyet
Fatimə Abdulrəhimli