"Fənərbaxça"dan ayrılan Joao Pedro rəsmən "Hall Siti"yə keçib!

Bölmə: İdman › ,
Tarix: 20:07 26.09.2024

Acun Ilıcalının sahibi olduğu "Hall Siti" "Fənərbaxça"dan ayrılan Joao Pedronu heyətinə qatdığını rəsmən açıqlayıb.

İngiltərə komandasının verdiyi açıqlamada futbolçunun pulsuz transfer edildiyi, müqavilənin 1+1 illik olduğu bildirilib.

"Hull Siti" hücumçu Joao Pedro ilə müqaviləni daha bir il uzatmaq imkanı ilə bir illik müqavilə imzaladığını elan etməkdən məmnundur", - klubun açıqlamasında deyilir.

Braziliyalı futbolçu "Fənərbaxça"da gözlənilənləri çatdıra bilmədi və futbolçunun müqaviləsi bu mövsümün əvvəlində qarşılıqlı olaraq ləğv edildi. Joao Pedro ötən mövsüm Braziliyanın "Qremio" komandasında icarə əsasında çıxış edib.

Mənbə: Hürriyet
Fatimə Abdulrəhimli