Audiovizual Şuranın mütəxəsissləri jurnalist tələbələr ilə görüşüb

Bölmə: MEDİA › ,
Tarix: 14:38 24.10.2024

Azərbaycan Respublikası Audiovizual Şurası, Medianın İnkişafı Agentliyi və Bakı Dövlət Universiteti (BDU) arasında imzalanan Anlaşma Memorandumuna uyğun olaraq, 24 oktyabr 2024-cü il tarixində Şura BDU-nun Jurnalistika fakültəsinin tələbələri üçün növbəti seminar təşkil etdi.

Tədbiri giriş sözü ilə açan BDU-nun Beynəlxalq jurnalistika və informasiya siyasəti kafedrasının müdiri Aynur Nəsirova audiovizual media və onun tənzimləməsi məsələlərinin tələbələrin maraqla qarşıladığını, belə görüşlərin davam etdirilməsinin vacibliyini vurğuladı.

Audiovizual Şuranın Kommunikasiya sektorunun müdiri Taleh Quliyev jurnalistikada yeni trendlər, ənənəvi və yeni media, vətəndaş jurnalistikası haqqında çıxış etdi.

Audiovizual Şuranın Hüquq və beynəlxalq əməkdaşlıq şöbəsinin baş məsləhətçisi Ayxan Sadıqlı “Azərbaycanda audiovizual media və onun tənzimlənməsi” mövzusunda geniş təqdimat etdi.

Sonda tələbələri maraqlandıran suallar cavablandırıldı.