Kim Min Jae: "Müdafiə canavarı" deməsi məni sevindirir!

Bölmə: İdman › ,
Tarix: 20:52 07.11.2024

"Bavariya"da çıxış edən Kim Min Jae komanda yoldaşı Coşua Kimmix haqqında danışıb.

 

Joshua Kimmich-in onu dəstəkləməsinə diqqət çəkən Kim Min Jae, "Joshua məni hər zaman ruhlandıran bir dostdur. Onun mənə "müdafiə canavarı" deməsi məni xoşbəxt edir" dedi.

 

Hələ Napolidəki performansa nail olmadığını vurğulayan Kim Min Jae, "Özümə güvənirəm və burada özümü tamamilə evdə hiss edirəm. Amma daha çox şey var, hələ Napolidəki səviyyəyə çatmamışam" dedi. 

 

27 yaşlı Kim Min Jae bu mövsüm "Bavariya"nın heyətində 15 matçda meydana çıxmaq şansı qazanıb. Cənubi Koreyalı müdafiəçi bu görüşlərdə 1 qol vurmağı bacarıb.

 

Kim Min Jae-nin "Bavariya" ilə müqaviləsi 30 iyun 2028-ci ildə başa çatacaq. Cənubi Koreyalı müdafiəçinin hazırkı bazar dəyəri 45 milyon avrodur.

 

Mənbə: Milliyət

Fatimə Abdulrəhimli