Millimiz Estoniya millisini qəbul edəcək

Bölmə: İdman › ,
Tarix: 12:18 12.11.2024

Noyabrın 16-da Azərbaycan - Estoniya qarşılaşması olacaq. Oyunla bağlı fikirlərini "informator.az"la bölüşən Ağa Dadaşzadə deyib ki, Estoniya xal qazanacağımız bir komandadır:

 

"Hazırda milli komandamızın vəziyyəti ürəkaçan deyil.Doğma meydanda, doğma azarkeşlər önündə oynayırıq. Estoniya ilk xalı qazana biləcəyimiz komandadır. Rəqib də bizdən zəif deyil, düzdür bizdən üstün də deyil, amma onlar daha dəqiq, sərrast, şanslardan istifadə edə bilən komandadır. Dəqiq danışmaq olmur, çünki millimiz sonuncudur. Sonuncu nəticələr ürəkaçan deyil. Bu matçda ən yaxşı halda oyun bərabərliklə bitəcək".

 

Qeyd edək ki, Azərbaycan - Estoniya qarşılaşması noyabrın 16-da, saat 18:00-da Qəbələ şəhər stadionunda keçiriləcək.

 

Zəhra Həsənova