Beynəlxalq Cinayət Məhkəməsi Netanyahu və HƏMAS rəsmiləri üçün həbs qərarı çıxardı

Bölmə: Siyasət › ,
Tarix: 22:30 21.11.2024

Beynəlxalq Cinayət Məhkəməsi cümə axşamı İsrail Baş naziri Benyamin Netanyahu, onun keçmiş müdafiə naziri və Həmas rəsmiləri üçün həbs qərarları çıxardı. Onlar müvafiq olaraq Qəzzada 13 aylıq müharibə və 2023-cü ilin oktyabrında İsrailə hücumla bağlı hərbi cinayətlərdə və insanlığa qarşı cinayətlərdə ittiham olunurlar.

 

Netanyahu ona qarşı çıxarılan həbs qərarını qınayaraq, İsrailin 'bu absurd və yalan hərəkətləri ikrahla rədd etdiyini' bildirdi. Ofisi tərəfindən yayımlanan bəyanatda o, "İsrailin Qəzzada apardığı müharibədən daha ədalətli bir şey yoxdur" ifadəsini işlətdi.

Netanyahu və digər İsrail liderləri BCB Baş Prokuroru Karim Xan tərəfindən həbs qərarı tələblərini rüsvayçı və antisemitik adlandıraraq qınayıblar. ABŞ Prezidenti Co Bayden də prokuroru tənqid edib və İsrailin Həmasa qarşı özünü müdafiə hüququna dəstəyini ifadə edib. Həmas da bu tələbi sərt şəkildə pisləyib.

 

Mənbə: Associated Press

Zəhra Məmmədova