Beşiktaşda Ciro İmmobile şoku! Müalicəsinə başlanıldı..

Bölmə: İdman › ,
Tarix: 22:38 09.12.2024

Beşiktaş, Ciro İmmobilenin budun arxa əzələsində gərilmə və ödem aşkarlandığını açıqladı.

 

Beşiktaşda “Fənərbaxça” ilə derbi oyununda zədələnən Ciro İmmobilenin son vəziyyəti məlum oldu. Beşiktaşın açıqlamasında aşağıdakı ifadələr yer alıb:

 

“Peşəkar Futbol Komandamızın “Fənərbaxça” ilə keçirdiyi oyundan sonra sağ budunun arxa hissəsində ağrı hiss edən futbolçumuz Ciro İmmobilenin klinik müayinəsi və Acıbadem Altunizade Xəstəxanasında edilən MRT görüntüləməsi nəticəsində budun arxa əzələsində (semimembranozus) gərilmə və ödem aşkar edilmişdir. Ciro İmmobilenin müalicəsinə sağlamlıq heyətimiz tərəfindən başlanılmışdır.”

 

34 yaşlı ulduz futbolçu bu mövsüm Beşiktaşda 20 qarşılaşmada iştirak edib. Ciro İmmobile bu oyunlarda 13 qol vurmaq sevincini yaşayıb.

 

Mənbə: Milliyət

Fatimə Abdulrəhimli