Carlo Ancelotti açıqladı: Arda Gülər qalacaq!
Bölmə: İdman ›
,
Tarix: 22:40 09.12.2024
Çempionlar Liqasında Atalanta ilə qarşılaşacaq Real Madridin baş məşqçisi Karlo Ançelotti vacib açıqlamalar verib.
Real Madrid UEFA Çempionlar Liqasının 6-cı həftəsində Atalantanın qonağı olacaq. Maraqlı qarşılaşma öncəsi keçirilən mətbuat konfransında Karlo Ançelotti mühüm mövzulara toxunub.
Karlo Ançelotti, bir çox komandanın diqqət mərkəzində olan Arda Gülərin qış transfer pəncərəsində heç yerə getməyəcəyini bildirib.
Gənc futbolçular Arda Gülər və Endrikin gələcəyi ilə bağlı suala Ançelotti belə cavab verib: “Arda və Endrik komandada qalacaq. Daha çox oynaya bilərlər, amma heç kimə qarşı əvvəlcədən qərarım yoxdur".
Gənc oyunçulara qarşı səbirli olmağın vacibliyini vurğulayan Karlo Ançelotti əlavə edib: “Hər oyunda ən yaxşı komandamızı meydana çıxarmağa çalışıram. Gənclərə qarşı səbirli olmaq lazımdır. Onlar coşqu gətirirlər, amma gənc olduqları üçün müəyyən şeyləri öyrənməlidirlər".
19 yaşlı Arda Gülər bu mövsüm Real Madriddə 17 oyunda iştirak edib. Milli futbolçu bu qarşılaşmalarda 1 qol vurub və 1 məhsuldar ötürmə edib.
Arda Gülərin Real Madrid ilə müqaviləsi 30 iyun 2029-cu ildə başa çatır. Gənc on nömrənin hazırkı bazar dəyəri 45 milyon avrodur.
Mənbə: Milliyət
Fatimə Abdulrəhimli
