Cristiano Ronaldo haqqında şok iddia! Əzəli rəqibə transfer ola bilər..

Bölmə: İdman › ,
Tarix: 20:57 12.12.2024

Futbol tarixinin canlı əfsanələrindən biri olan və Səudiyyə Ərəbistanının Al-Nassr klubunda çıxış edən Cristiano Ronaldo haqqında mühüm bir iddia ortaya atılıb.

 

Yaşına baxmayaraq hələ də qollar vurmağa davam edən və çempionluq arzusu ilə yaşayan futbolçu növbəti bir kuboku qazanmağı hədəfləyib. Al-Nassr-da Taliska, Mane və Laporte kimi ulduzlarla birlikdə oynayan Ronaldo karyerasında sürpriz bir dəyişiklik edə bilər.

 

Səudiyyə Ərəbistanı mediasında yayımlanan xəbərlərə görə, Ronaldo Al-Nassr-ın əzəli rəqiblərindən biri olan Al-Hilal klubuna icarəyə verilə bilər.

 

Bu xəbər futbolsevərləri təəccübləndirsə də, maraqlı qərarın səbəbi Ronaldonun gələn yay keçiriləcək FIFA Klub Dünya Kubokunda oynamaq istəyi ilə izah edilir. Al-Nassr bu turnirdə iştirak etməyəcək, lakin Al-Hilal yeni formatda keçiriləcək bu təşkilatda mübarizə aparacaq.

 

Al-Hilal-ın baş direktoru Esteve Calzada mövzu ilə bağlı açıqlama verərək, “Ronaldo bizim futbolçumuz deyil. Hazırda belə bir şey təsəvvür etmək çox çətindir", ifadələrini işlədib.

 

Portuqaliyalı ulduzun Al-Nassr ilə müqaviləsi 2025-ci ilin iyununda başa çatacaq.

 

Mənbə: Milliyət

Fatimə Abdulrəhimli