2026-cı il Dünya Çempionatına vəsiqə qazanmağın yolu!

Bölmə: İdman › ,
Tarix: 18:21 13.12.2024

ABŞ, Meksika və Kanadanın birgə ev sahibliyi edəcəyi 2026 FIFA Dünya Kuboku üçün UEFA-ya üzv ölkələrin iştirak etdiyi Avropa seçmə mərhələləri üzrə qrup püşkatma mərasimi təşkil olunub.

 

Avropa seçmə mərhələlərində qruplarını lider kimi tamamlayan 12 komanda birbaşa Dünya Kubokuna vəsiqə qazanacaq. Son 4 vəsiqə üçün isə 12 qrup ikincisi və UEFA Millətlər Liqasından gələn 4 komanda arasında ümumilikdə 16 komandanın iştirakı ilə pley-off oyunları keçiriləcək. Pley-off oyunları 2026-cı ilin mart ayında baş tutacaq.

 

Beş komandadan ibarət qruplarda ilk oyunlar mart ayında, dörd komandadan ibarət qruplarda isə qarşılaşmalar sentyabr ayında başlayacaq. Komandalar qrupdakı hər bir rəqibi ilə həm evdə, həm də səfərdə olmaqla ümumilikdə iki dəfə qarşılaşacaqlar. Avropa seçmə mərhələsi oyunları 2025-ci ilin noyabr ayında sona çatacaq.

 

Ümumilikdə 48 komandanın mübarizə aparacağı 2026 Dünya Kubokuna Avropadan 16 ölkə vəsiqə qazanacaq. Avropa seçmə mərhələlərində qruplarını lider kimi tamamlayan 12 komanda birbaşa Dünya Kubokuna vəsiqə əldə edəcək. Son 4 vəsiqə üçün isə 12 qrup ikincisi və UEFA Millətlər Liqasından gələn 4 komandanın iştirakı ilə ümumilikdə 16 komanda arasında pley-off oyunları keçiriləcək. Pley-off oyunları 2026-cı ilin mart ayında oynanacaq.

 

2026 Dünya Kubokunda 12 qrupda ümumilikdə 48 komanda mübarizə aparacaq və turnir boyunca 104 oyun keçiriləcək. Dünyanın ən nüfuzlu futbol turnirinin açılış oyunu 2026-cı il 11 iyun tarixində Meksikanın paytaxtı Mexiko şəhərində yerləşən, 83 min nəfərlik Azteka stadionunda keçiriləcək. Turnirin final oyunu isə 2026-cı il 19 iyul tarixində ABŞ-ın Nyu-Cersi ştatında yerləşən, 82 min 500 nəfərlik MetLife Stadionunda baş tutacaq.

 

Mənbə: Milliyət

Fatimə Abdulrəhimli