Dybala, “Qalatasaray”a transfer olunacaqmı? Romadan ilk açıqlama: Qəbul etmək məcburiyyətindəyik..
Bölmə: İdman ›
,
Tarix: 21:04 17.12.2024
Qış transfer pəncərəsində böyük transfer həyata keçirmək istəyən “Qalatasaray”, Argentina ulduzu Dybala üçün hərəkətə keçib.
Həm Super Liqada, həm də Avropa Liqasında məğlubiyyətsiz yoluna davam edən “Qalatasaray”ın transfer gündəmində mühüm hadisələr yaşanır. Sarı-qırmızıların Romanın formasını geyinən Argentina ulduzu Dybala üçün hərəkətə keçdiyi məlum olub, İtaliya klubundan isə məsələ ilə bağlı açıqlama gəlib.
Transfer dönəmində ulduz oyunçu transfer etməyi planlaşdıran “Qalatasaray”ın Paulo Dybala ilə danışıqlara başladığı xəbəri gündəmə bomba kimi düşüb. Ulduz futbolçunun meneceri danışıqlar üçün İstanbula gəlib və dünənki derbi oyununu stadiondan izləyib.
“Qalatasaray”ın ikinci başçısı Metin Öztürk sponsorluq müqaviləsi tədbirində jurnalistlərin suallarını cavablandırıb. Paulo Dybala ilə bağlı yayılan xəbərlər haqqında sual verildikdə, Öztürk belə deyib: “Qış transfer pəncərəsində gələnlər və gedənlər olacaq. Okan Hoca və skaut heyətinin tələbləri istiqamətində irəliləyəcəyik. Transferlə mən məşğul olmuram. Təşəbbüslərin olduğunu bilirəm. Klubumuzun bir çox futbolçu ilə maraqlanması normaldır. “Qalatasaray” kimi böyük hədəfləri olan komandada hər bir futbolçu oynamaq istəyər".
“Qalatasaray”ın transfer gündəmindəki Paulo Dybala ilə bağlı Roma baş məşqçisi Klaudio Ranieridən də açıqlama gəlib.
Ulduz futbolçunun menecerinin “Qalatasaray”-“Trabzonspor” matçını tribunadan izləməsinin ardından mövzu ilə bağlı fikirlərini ifadə edən təcrübəli məşqçi belə deyib: “Dybala qalmaq istəmirsə, bunu qəbul etməliyik".
Ranieri bildirib: “Mən Dybala-nın komandamda olmasından məmnunam, amma futbolçunun başqa prioritetləri varsa, qalmaq istəmirsə və bir fürsət varsa, bir həll tapılmalıdır. Əlbəttə, tərəflərin razılaşması və eyni fikirdə olması lazımdır. Dybala-dan hər hansı narazılıq hiss etmədim. Mən sadəcə burada qalmaqdan xoşbəxt olan oyunçular istəyirəm".
İtaliya mətbuatında Ranierinin bu sözləri Dybala-nın komandadan ayrılması üçün qapını araladığı kimi şərh olunub.
Mənbə: Milliyət
Fatimə Abdulrəhimli
