2024-cü ilin ən yaxşı qadın güləşçisi Buse Tosun Çavuşoğludur

Bölmə: İdman › ,
Tarix: 21:58 17.12.2024

Türkiyənin Milli idmançısı Buse Tosun Çavuşoğlu, 2024-cü ilin ən yaxşı qadın güləşçisi seçildi.

 

Dünya Güləş Birliyi (UWW) qadınlar, kişilər arasında sərbəst və Yunan-Roma güləşində ilin güləşçilərini elan etdi.

 

Paris 2024 Olimpiya Oyunlarında qadınlar arasında 68 kq çəki dərəcəsində bürünc medal qazanan, eyni zamanda son dünya çempionu olan milli güləşçi Buse Tosun Çavuşoğlu “dünyanın ən yaxşı qadın güləşçisi” adına layiq görüldü.

 

Buse bu il, həmçinin karyerasında ilk dəfə Avropa çempionu olub.

 

Kişilər arasında sərbəst güləşdə Gürcüstanlı Geno Petriashvili, Yunan-Roma güləşində isə yaponiyalı Nao Kusaka ilin güləşçisi seçildilər.

 

Mənbə: beinsports

Aytac Mustafayeva