Vinisius Jr “Ən Yaxşı Kişi Oyunçu” adına layiq görüldü

Bölmə: İdman › ,
Tarix: 22:41 17.12.2024

Real Madrid və Braziliya hücumçusu ilk dəfə olaraq bu nüfuzlu mükafatı qazandı.

Vinicius Jr ilk dəfə olaraq FIFA-nın “Ən Yaxşı” kişi futbolçusu adına layiq görülüb.

 

Braziliya və Real Madrid ulduzu 2023-2024 mövsümündə karyerasının ən möhtəşəm mövsümünü keçirib. O, Real Madrid üçün həlledici anlar yaradaraq, bütün turnirlərdə keçirdiyi 39 oyunda 24 qol vurub.

 

Şəxsi nailiyyətlərindən biri Borussia Dortmund-a qarşı UEFA Çempionlar Liqasının finalında vurduğu qol, digəri isə Supercopa de Espana finalında Barcelona-ya qarşı het-trik etməsi olub.

 

Vini Jr, 2007-ci ildən bəri FIFA-nın kişi futbolçular üçün ən yüksək mükafatını qazanan ilk braziliyalı və mükafatın hazırkı “Ən Yaxşı” formatında bu ada layiq görülən ilk oyunçudur.

O, 48 xal toplayaraq, 10 namizədi geridə qoyub və Manchester City-dən Rodri (43 xal) və Real Madrid-dən komanda yoldaşı Jude Bellingham-ı (37 xal) qabaqlayıb.

 

Mənbə: fifa.com

Aytac Mustafayeva