Kanada Baş naziri Castin Trüdo istefa etdi

Bölmə: Dünya › ,
Tarix: 22:33 06.01.2025

Kanadanın Baş naziri Castin Trüdo 9 ildən sonra vəzifəsindən ayrılır. Trüdo 2015-ci ildən bəri baş nazir vəzifəsini icra edirdi.

 

53 yaşlı baş nazir, Liberal Partiya yeni bir lider seçənə qədər vəzifədə qalacağını və parlamentin 24 mart tarixinədək dayandırılacağını bildirib.

 

Castin Trüdo istefa açıqlamasında partiya daxilində münaqişələr olduğunu və belə bir atmosferdə partiya lideri kimi seçkiyə qatıla bilməyəcəyini deyib.

 

Kanada, 20 yanvarda vəzifəyə başlayacaq Donald Trampın iqtisadi təhdidləri səbəbindən çətin bir siyasi atmosferdə idi.

 

Tramp, Kanada hökumətini qeyri-qanuni miqrantlar və narkotik ticarəti ilə bağlı təhdid edib, sərhədin təhlükəsizliyi təmin edilmədiyi təqdirdə 25 faiz gömrük vergisi tətbiq edəcəyi xəbərdarlığını edib.

 

Mənbə: BBC News türkçe

Nigar Həsənzadə